MƏLUMAT
Dövlət Xidmətlərinin Elektron Reyestri xidmət təminatçıları tərəfindən həyata keçirilən xidmətlər haqqında məlumatların vahid mənbədə toplanması və sistemləşdirilməsi, xidmətlərin göstərilməsində təkrarlığın aradan qaldırılması və yeni növ xidmətlərin yaradılması yolu ilə bu sahədə idarəetmənin çevikliyinin təmin edilməsi, xidmətlər üzrə təhlil və proqnozlaşdırma imkanlarının artırılması məqsədi ilə "Dövlət Xidmətlərinin Elektron Reyestrinin yaradılması ilə bağlı tədbirlər haqqında" Azərbaycan Respublikası Prezidentinin 2014-cü il 11 sentyabr tarixli 262 nömrəli Fərmanına əsasən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən yaradılmışdır.
BİLDİRİŞLƏR
Xidmət təminatçılarının diqqətinə!
“ASAN xidmət indeksi” üzrə qiymətləndirmə (2017-2018) barədə

“Dövlət Xidmətlərinin Elektron Reyestrinin yaradılması ilə bağlı tədbirlər haqqında” Azərbaycan Respublikası Prezidentinin 2014-cü il 11 sentyabr tarixli 262 nömrəli Fərmanının 2.4-cü bəndinə əsasən 2017-2018-ci il dövründə həyata keçirilən dövlət xidmətlərinin “ASAN xidmət indeksi”ni təşkil edən parametrlər üzrə qiymətləndirilməsinin ilkin mərhələsi başa çatmışdır.

Qurumlar tərəfindən doldurulan qiymətləndirmə anketlərinin pdf formalarını əldə edərək qurumda saxlanmasını təmin etmək və yekunlaşdırılmayan qiymətləndirmələrin aparılması üçün sistemdə əlavə imkan formalaşdırılmışdır.

16-21 yanvar, 2018 tarixlərində qeyd edilən imkandan istifadə edərək işlərin yekunlaşdırılması xahiş olunur.

Xidmət təminatçılarının diqqətinə!
“ASAN xidmət indeksi” üzrə qiymətləndirmə (2017-2018)

“Dövlət Xidmətlərinin Elektron Reyestrinin yaradılması ilə bağlı tədbirlər haqqında” Azərbaycan Respublikası Prezidentinin 2014-cü il 11 sentyabr tarixli 262 nömrəli Fərmanının 2.4-cü bəndinə əsasən 2017-2018-ci il dövründə həyata keçirilən dövlət xidmətlərinin “ASAN xidmət indeksi”ni təşkil edən parametrlər üzrə qiymətləndirilməsinin ilkin mərhələsi – qurumlar tərəfindən qiymətləndirmə anketlərinin doldurulması, əsaslandırıcı sənədlərin və məlumatların sistemə yüklənməsi müddəti 2018-ci il 15 yanvar tarixinə qədər uzadılmışdır. 

Əlavə müddət müəyyən edilməyəcəyi üçün işlərin bu müddət ərzində yekunlaşdırılması xahiş olunur.

Xidmət təminatçılarının diqqətinə!
“ASAN xidmət indeksi” üzrə qiymətləndirmə (2017-2018)

“Dövlət Xidmətlərinin Elektron Reyestrinin yaradılması ilə bağlı tədbirlər haqqında” Azərbaycan Respublikası Prezidentinin 2014-cü il 11 sentyabr tarixli 262 nömrəli Fərmanının 2.4-cü bəndinə əsasən 2017-2018-ci il dövründə aşağıdakı qurumlar tərəfindən həyata keçirilən dövlət xidmətlərinin “ASAN xidmət indeksi”ni təşkil edən parametrlər üzrə qiymətləndirilməsi nəzərdə tutulur.

Azərbaycan Respublikası Daxili İşlər Nazirliyi, Vergilər Nazirliyi, Ədliyyə Nazirliyi, İqtisadiyyat Nazirliyi, Əmək və Əhalinin Sosial Müdafiəsi Nazirliyi, Dövlət Miqrasiya Xidməti, Əmlak Məsələləri Dövlət Komitəsi, Dövlət Gömrük Komitəsi, Milli Arxiv İdarəsi, Səfərbərlik və Hərbi Xidmətə Çağırış üzrə Dövlət Xidməti, Gənclər və İdman Nazirliyi, Xarici İşlər Nazirliyi, Kənd Təsərrüfatı Nazirliyi, Təhsil Nazirliyi, Fövqəladə Hallar Nazirliyi, Dövlət Statistika Komitəsi, Ailə, Qadın və Uşaq Problemləri üzrə Dövlət Komitəsi, Dövlət Mülki Aviasiya Administrasiyası, Diasporla İş üzrə Dövlət Komitəsi, Mədəniyyət və Turizm Nazirliyi, Ekologiya və Təbii Sərvətlər Nazirliyi, Səhiyyə Nazirliyi, Müdafiə Sənayesi Nazirliyi, Energetika Nazirliyi, Qaçqınların və Məcburi Köçkünlərin işləri Üzrə Dövlət Komitəsi, Standartlaşdırma, Metrologiya və Patent üzrə Dövlət Komitəsi, Dövlət Dəniz Administrasiyası, Dini Qurumlarla İş üzrə Dövlət Komitəsi, Nəqliyyat, Rabitə və Yüksək Texnologiyalar Nazirliyi, Maliyyə Nazirliyi, Bakı şəhərində yerləşən yerli icra hakimiyyəti orqanları, “Azəristiliktəchizat” Açıq Səhmdar Cəmiyyəti, “Azərişıq” Açıq Səhmdar Cəmiyyəti, “Azərsu” Açıq Səhmdar Cəmiyyəti və “Azəriqaz” Açıq Səhmdar Cəmiyyəti.

Qiymətləndirmənin ilkin mərhələsi – qurumlar tərəfindən qiymətləndirmə anketlərinin doldurulması, əsaslandırıcı sənədlərin və məlumatların sistemə yüklənməsi 2017-ci il 1 noyabr – 31 dekabr tarixləri arasında həyata keçiriləcək.

Məsul şəxslərin müəyyən edilməsi, elektron imza ilə təmin edilməsi və sistemdə qeydiyyatdan keçirilməsi, 2017-ci il 26-27 oktyabr tarixlərində Dövlət Agentliyində keçiriləcək təlimdə iştirakının təmin edilməsi xahiş olunur.

Xidmət təminatçılarının diqqətinə!
“ASAN xidmət indeksi” üzrə qiymətləndirmə nəticələri (2016-2017)

“Dövlət Xidmətlərinin Elektron Reyestrinin yaradılması ilə bağlı tədbirlər haqqında” Azərbaycan Respublikası Prezidentinin 2014-cü il 11 sentyabr tarixli 262 nömrəli Fərmanının 2.4-cü bəndinə əsasən 2016-2017-ci il dövründə həyata keçirilən dövlət xidmətlərinin “ASAN xidmət indeksi”ni təşkil edən parametrlər üzrə qiymətləndirilməsi yekunlaşmışdır.

Pilot layihə çərçivəsində Azərbaycan Respublikası Daxili İşlər Nazirliyi, Vergilər Nazirliyi, Ədliyyə Nazirliyi, İqtisadiyyat Nazirliyi, Əmək və Əhalinin Sosial Müdafiəsi Nazirliyi, Dövlət Miqrasiya Xidməti, Əmlak Məsələləri Dövlət Komitəsi, Dövlət Gömrük Komitəsi, Milli Arxiv İdarəsi, Səfərbərlik və Hərbi Xidmətə Çağırış üzrə Dövlət Xidməti və Bakı şəhərində yerləşən yerli icra hakimiyyəti orqanlarının ümumilikdə 412 xidməti üzrə nəticələr 2017-ci il 21 sentyabr tarixində ictimaiyyətə açıqlanacaq və nəticələr barədə Arayışlar Dövlət Xidmətlərinin Elektron Reyestri vasitəsilə dövlət orqanlarına təqdim ediləcəkdir.

Qiymətləndirmə nəticələri və növbəti qiymətləndirmədə tətbiq ediləcək yeniliklər ilə bağlı 2017-ci il 21 sentyabr tarixində ADA Universitetində təqdimatın keçirilməsi nəzərdə tutulur.

Xidmət təminatçılarının diqqətinə!
“Dövlət Xidmətlərinin Elektron Reyestrinin aparılması Qaydaları”na əsasən xidməti həyata keçirən qurumlar:
- Elektron Reyestrə daxil edilmiş məlumatların tamlığını və düzgünlüyünü mütəmadi yoxlamalı və məlumatlarda dəyişikliklərin edilməsi və ya onların çıxarılması üçün Reyestrin operatoruna (Elektron Reyestrin elektron anketləri üzrə məlumatlarda müvafiq dəyişikliklər edərək) müraciət etməlidir.
- yeni xidməti müəyyən edən normativ hüquqi aktın qüvvəyə mindiyi tarixdən 1 (bir) aydan gec olmayaraq Elektron Reyestrin müvafiq elektron anketləri üzrə məlumatları təqdim etməlidir.
- Xidməti həyata keçirən qurumun vəzifəli şəxsi Qaydalarda nəzərdə tutulmuş Elektron Reyestrə daxil ediləcək məlumatların təqdim olunmamasına və məzmununa görə məsuliyyət daşıyır.
"DÖVLƏT XİDMƏTLƏRİNİN ELEKTRON REYESTRİ" İNFORMASİYA SİSTEMİNDƏN İSTİFADƏ ÜZRƏ METODİKİ TÖVSİYƏLƏR